Azərbaycan Respublikası Su Təsərrüfatı İşçiləri Həmkarlar İttifaqı Respublika Komitəsinin ali orqanı 5 ildə bir dəfə çağırılan qurultaydır.Qurultayın çağırılması və gündəliyi haqqında qurultaydan 90 gün əvvəl elan olunur. Qurultaya nümayəndəlik norması və nümayəndələrin seçilməsi qaydası Respublika komitəsi tərəfindən müəyyən olunur.
Qurultay nümayəndələrinin səlahiyyəti seçilmiş həmkarlar ittifaqı orqanının səlahiyyəti müddətinə saxlanılır. Seçilmiş orqan üzvlərinin üçdə bir hissəsi tələb etdikdə növbədənkənar qurultay (konfrans) çağırılır və onun gündəliyi, keçirilməsi haqqında qərar ən azı 30 gün əvvəl elan olunur.
